“Ат-Базы тазалык” муниципалдык ишканасынын аткарган иштери тууралуу маалыматын угуу жөнүндө
Ат-Башы айыл аймагынын айылдык кеңешинин IX чакырылыштагы депутаттарынын кезектеги XIII сессиясынын
ТЕСКЕМЕСИ
24-октябрь 2025-жыл № 1 Ат-Башы айылы
“Ат-Базы тазалык” муниципалдык ишканасынын аткарган иштери тууралуу маалыматын угуу жөнүндө
«Ат-Башы-Тазалык» муниципалдык ишканасынын ишмердүүлүгү тууралуу айылдык кеңештин сессиясында берилген маалыматты угуп, ишкананын каржылык абалын жакшыртуу жана чыгашаларын оптималдаштыруу максатында Ат-Башы айыл аймагынын айылдык кеңеши, тескеме кылат:
- «Ат-Башы тазалык» муниципалдык ишканасынын аткарган иштери боюнча маалыматы эске алынсын.
- Ишкананын кирешелери жана чыгашалары боюнча берилген маалымат толук эмес экендиги белгиленип, каржылык эсептерди жана ишмердүүлүктүн негизги көрсөткүчтөрүн тактоо ишкананын жетекчиси Т. Курманалиевге тапшырылсын.
- Ишкананын чыгашаларын оптималдаштыруу жана үнөмдөө боюнча иш-чаралар иштелип чыксын.
- Зарыл учурда кызматкерлердин санын кыскартуу, жумуш процессин натыйжалуу уюштуруу жана чыгымдарды азайтуу боюнча конкреттүү сунуштар даярдалсын.
- Айыл өкмөтү менен «Ат-Башы тазалык» муниципалдык ишканасынын ортосундагы функционалдык милдеттерди, жоопкерчиликтерди жана өз ара аракеттенүү тартибин тактап чыгып, бул боюнча маалыматты кийинки сессияга чейин айылдык кеңешке сунуштоо жагы Ат-Башы айыл өкмөтүнө тапшырылсын.
- Бул тескеменин аткарылышын көзөмөлдөө жагы бюджет, финансы жана экономика боюнча туруктуу комиссияга жүктөлсүн.
Төрага У. Мелис уулу
