Ат-Башы-Кында-Торугарт унаа жолундагы “Босого” көпүрөсүнө Буланов Барктабас атанын ысымын ыйгарууга макулдук берүү жөнүндө
Ат-Башы айыл аймагынын айылдык кеңешинин IX чакырылыштагы депутаттарынын кезектеги V сессиясынын
ТОКТОМУ №5-12
31-январь 2025-жыл Ат-Башы айылы
Ат-Башы-Кында-Торугарт унаа жолундагы “Босого” көпүрөсүнө Буланов Барктабас атанын ысымын ыйгарууга макулдук берүү жөнүндө
Ат-Башы районундагы Аксакалдар кенешинин райондун жол тармагында 40 жылдан ашык эмгектенген, анын ичинен №20 Жол тейлөө ишканасында 12 жылдан ашык жетекчилик кызматты аркалаган Буланов Барктабас атабыздын ысымын Ат-Башы-Кында-Торугарт унаа жолундагы “Босого” көпүрөсүнө ыйгарууга колдоо көрсөтүүнү сурап жазган өтүнүч кайрылуусун карап жана талкуулап, Кыргыз Республикасынын 1997-жылдын 25-сентябрындагы №67 «Кыргыз Республикасындагы географиялык аталыштар жөнүндөгү» Мыйзамынын негизинде, ошондой эле Кыргыз Республикасынын Транспорт жана коммуникациялар министрлигине караштуу Жол чарба департаментинин 2024-жылдын 25-ноябрындагы №С-475 сандуу катына ылайык жогоруда аталган көпүрөгө Буланов Барктабастын ысымын ыйгарылуусуна каршы эместигин жана бул адамдын жол тармагындагы үзүрлүү эмгегин эске алып, Ат-Башы айыл аймагынын айылдык кеңеши
ТОКТОМ КЫЛАТ:
- Ат-Башы районуна караштуу Ат-Башы-Кында-Торугарт унаа жолундагы “Босого” көпүрөсүнө 40 жылдан ашык эмгектенген, анын ичинен №20 Жол тейлөө ишканасында 12 жылдан ашык жетекчилик кызматты аркалаган Буланов Барктабастын ысымын ыйгарууга макулдук берилсин;
Ат-Башы айыл аймагынын
айылдык кеңешинин төрагасы У. Мелис уулу
Каттоо № 19
