Ат-Башы айыл аймагынын калктуу конуштарындын таштандыларын ташып чыгаруу үчүн жыйымдын базалык ченемдерин бекитүү жөнүндө
Ат-Башы айыл аймагынын айылдык кеңешинин VIII чакырылышынын депутаттарынын кезексиз VII сессиясынын
ТОКТОМУ №7-4
6-октябрь 2023-жыл Ат-Башы айылы
Ат-Башы айыл аймагынын калктуу конуштарындын таштандыларын ташып чыгаруу үчүн жыйымдын базалык ченемдерин бекитүү жөнүндө
Ат-Башы айыл аймагынын айыл өкмөтүнүн башчысы Р. Докоевдин билдирүүсүн угуп жана талкуулап, 2018-жылдын 10-августундагы №90 Кыргыз Республикасынын Салыктык эмес кирешелер жөнүндөгү Кодексинин 24-главасына ылайык Ат-Башы айыл аймагынын айылдык кеңеши
ТОКТОМ КЫЛАТ:
- Ат-Башы айыл аймагынын айылдык кеңешинин депутаттарынын 2023-жылдын 15-февралындагы кезектеги XXIV сессиясынын “Ат-Башы айыл өкмөтүнүн салык эмес жыйымдардын тизмегин бекитүү жөнүндө” №24-5 токтому жокко чыгарылсын;
- Ат-Башы айыл аймагынын Ат-Башы, Ак-Жар, Ача-Кайыңды айылдарында жайгашкан мекеме-ишканалар, жеке жана юридикалык жактар ишкердик иши үчүн арналган имараттардын ээлери, анын ичинде курулуштун же анын бир бөлүгүн ижарага берүүчүлөр бекитилген жер аянтынын бир чарчы метрине 40 (кырк) сомдон айына жылдын 30-октябрга чейин төлөшсүн;
- Калктуу конуштардын таштандыларын ташып чыгаруу үчүн жыйымдын эсебин МСКнын Ат-Башы району боюнча башкармалыгына ар бир жылдын 31-декабрына чейин берип туруу жагы айыл өкмөттүн киреше жана жыйымдар боюнча жетектөөчү адисине тапшырылсын;
- Калктуу конуштардын таштандыларын ташып чыгаруу үчүн жыйым ай сайын төлөнсүн деп белгиленсин;
- Бул токтомдун аткарылышын камсыз кылуу жагы айыл өкмөттүн башкы бухгалтерине милдеттендирилсин;
- Бул токтомдун аткарылышын көзөмөлдөө жагы айыл өкмөттүн башчысы Р.Докоевге тапшырылсын.
Ат-Башы айыл аймагынын
айылдык кеңешинин төрагасы А. Шүкүрбеков
Каттоо № 25
