Ат-Башы айыл аймагынын айылдык кеңешинин иш кагаздарын жүргүзүүчү-катчынын штаттык бирдигин ачуу жөнүндө
Бириктирилген Ат-Башы айыл аймагынын айылдык кеңешинин депутаттарынын
кезексиз III cессиясынын
ТОКТОМУ №3-6
6-июль 2023-жыл Ат-Башы айылы
Ат-Башы айыл аймагынын айылдык кеңешинин иш кагаздарын жүргүзүүчү-катчынын штаттык бирдигин ачуу жөнүндө
Кыргыз Республикасынын Президентинин “Кыргыз Республикасынын Нарын облусунун айыл аймактарынын деңгээлинде пилоттук режимде административдик-аймактык реформа жөнүндөгү” 2023-жылдын 3-апрелдеги ПЖ №85 Жарлыгына ылайык Ат-Башы, Ача-Кайыңды жана Ак-Жар айыл аймактыры бириктирилип, Бириктирилген Ат-Башы айыл аймагынын айыл өкмөтү түзүлгөндүгүнө байланыштуу иштин көлөмүн жана зарылчылыкты эске алуу менен Кыргыз Республикасынын Министрлер Кабинетинин “Айыл аймактарынын деңгээлинде пилоттук режимде административдик-аймактык реформа жүргүзүлүп жаткан Кыргыз Республикасынын региондорундагы айыл өкмөттөрүнүн ишин уюштуруу жана жергиликтүү өз алдынча башкаруу органдарынын штаттык саны жөнүндөгү” 2023-жылдын 30-мартындагы №177 токтомун жетекчиликке алып, Ат-Башы айыл аймагынын айылдык кеңеши
ТОКТОМ КЫЛАТ:
- Бириктирилген Ат-Башы айыл аймагынын айылдык кеңешине убактылуу 1 (бир) жылдык мөөнөткө келишим аркылуу иш кагаздарын алып баруучу штаттык бирдиги ачылсын;
- Бул токтомдун аткарылышын камсыз кылуу жагын өзүмө калтырам.
Ат-Башы айыл аймагынын
айылдык кеңешинин төрагасы А. Шүкүрбеков
Каттоо № 11
