Ат-Башы айыл ичиндеги жана калктуу конуштарындагы кароосуз жүргөн малдардын ээлерине Кыргыз Республикасынын Укук бузуулар жөнүндөгү Кодексинин негизинде салынуучу айып пулдарды бекитип берүү жөнүндө
Ат-Башы айыл аймагынын айылдык кеңешинин депутаттарынын
кезектеги XVIII сессиясынын
ТОКТОМУ №18-9
18-август 2022-жыл Ат-Башы айылы
Ат-Башы айыл ичиндеги жана калктуу конуштарындагы кароосуз жүргөн малдардын ээлерине Кыргыз Республикасынын Укук бузуулар жөнүндөгү Кодексинин негизинде салынуучу айып пулдарды бекитип берүү жөнүндө
Ат-Башы айыл ичиндеги жана калктуу конуштарындагы кароосуз жүргөн малдардын ээлерине Кыргыз Республикасынын 2021-жылдын 28-октябрындагы №128 Укук бузуулар жөнүндөгү Кодексинин 124-беренесине ылайык салынуучу айып пулдарды бекитип берүү жөнүндөгү Ат-Башы айыл аймагынын айыл өкмөтүнүн башкы адис-юристи Н.Карыбековдун берген сунушунун негизинде Ат-Башы айыл аймагы райондун борбору болгондугун эске алуу менен Ат-Башы айыл аймагынын айылдык кеңеши
ТОКТОМ КЫЛАТ:
- Жыл ичинде ички тартип эрежерин бузуп, калктуу конушта алып калган бодо малдарды бадага кошпостон же жайлоого малчыларга бербестен Ат-Башы айыл ичиндеги жана калктуу конуштарындагы көчөлөргө чыгарып койгон кароосуз жүргөн малдардын ээлерине Кыргыз Республикасынын 2021-жылдын 28-октябрындагы №128 Укук бузуулар жөнүндөгү Кодексинин 124-беренесине ылайык жеке жактарга 55 эсептик көрсөткүч, ал эми юридикалык жактарга 170 эсептик көрсөткүч өлчөмүндө айып пул салынсын;
- Ат-Башы айылынын жана калктуу конуштарынын тургундарына түшүндүрүү иштери жүргүзүлсүн, ошондой эле маалымат каражаттарына жайылтылсын;
- Бул токтомдун аткарылышын камсыз кылуу жагы Ат-Башы айыл аймагынын айыл өкмөтүнүн башкы адис-юристи Н. Карыбековго милдеттендирилсин;
- Бул токтомдун аткарылышын көзөмөлдөө жагы айыл өкмөттүн башчысы А.Аалиевге тапшырылсын.
Ат-Башы айыл аймагынын айылдык
кеңешинин депутаттарынын төрагасы К. Айдыралиев
Каттоо №96
