Ат-Башы айылынын милициянын аймактык пункту (МАП) жөнүндө
Ат-Башы айыл аймагынын айылдык кеңешинин депутаттарынын
кезектеги XI сессиясынын
ТОКТОМУ №11-14
16-февраль 2022-жыл Ат-Башы айылы
Ат-Башы айылынын милициянын аймактык пункту (МАП) жөнүндө
2022-жылдын 16-февралындагы чыгыш №6-1006 сандуу милициянын аймактык пункту жайгашкан жер тилкесин мыйзамдаштырып берүү жөнүндөгү Ат-Башы райондук ички иштер бөлүмүнүн начальниги Б. Арзыгуловдун кайрылуусунун негизинде коомдук коопсуздукту жана кылмыштуулуктун алдын алуу боюнча иш жүргүзүү максатында Ат-Башы айыл аймагынын айылдык кеңеши
ТОКТОМ КЫЛАТ:
- Ат-Башы айылынын М. +мүракунов атындагы жана Шамеев атындагы көчөлөрүнүн кесилишинде жайгашкан 15 чарчы метр жер аянты милициянын аймактык пунктун уюштуруу үчүн Ат-Башы райондук ички иштер бөлүмүнө 10 (он) жылдык мөөнөткө оперативдик башкарууга келишимдин негизинде убактылуу пайдаланууга берилсин;
- Жогорудагы жер аянтына Архитектура башкармалыгы тарабынан планын түздүрүү жагы Ат-Башы райондук ички иштер бөлүмүнө жүктөлсүн;
- Бул токтомдун аткарылышын камсыз кылуу жагы Ат-Башы айыл аймагынын айыл өкмөтүнүн башкы адис-юристи Н. Карыбековго милдеттендирилсин;
- Бул токтомдун аткарылышын көзөмөлдөө жагы Ат-Башы айыл аймагынын айыл өкмөтүнүн башчысы А.Аалиевге тапшырылсын.
Ат-Башы айыл аймагынын айылдык
кеңешинин депутаттарынын төрагасы А. Өмүракунов
Каттоо № 59
