Ат-Башы айыл өкмөтүнүн эсебиндеги 2022-жылдын 1-январына карата калган калдык акча каражаттарынын пайдалануу багыттарын аныктоо жөнүндө

Ат-Башы айыл аймагынын  айылдык кеңешинин депутаттарынын

кезектеги XI сессиясынын

ТОКТОМУ №11-4

16-февраль 2022-жыл                                                                                    Ат-Башы айылы                                                                                         

Ат-Башы айыл өкмөтүнүн эсебиндеги 2022-жылдын 1-январына карата калган калдык акча каражаттарынын пайдалануу багыттарын аныктоо  жөнүндө

Ат-Башы айыл өкмөтүнүн эсебиндеги 2022-жылдын 1-январына карата калган калдык акча каражаттарынын пайдалануу багыттарын аныктоо  боюнча Ат-Башы айыл аймагынын айылдык кеңешинин бюджет, финансы жана экономика боюнча туруктуу комиссиясынын төрагасы К. Айдыралиевдин, Ат-Башы айыл өкмөтүнүн башчысы А. Аалиевдин жана  финансы-экономика бөлүмүнүн башчысынын милдетин убактылуу аткаруучу К.Жапаровдун сунуштарынын негизинде Ат-Башы айыл аймагынын айылдык кеңеши

ТОКТОМ КЫЛАТ:                        

1.      Ат-Башы айыл аймагынын айыл өкмөтүнүн бюджеттик эсебиндеги 2022-жылдын 1-январына карата 7 972 456 (жети миллион тогуз жүз жетимиш эки миң төрт жүз элүү алты) сом калдык акча каражаты төмөндөгүдөй багыттарга пайдаланууга бөлүштүрүлсүн:

1)     “Көрктүү аймак” муниципалдык ишканасына контракт менен иш жүргүзүп жатышкан жумушчуларынын эмгек акы жана социалдык төлөмдөрү үчүн -  817 900 сом;

2)     Айылдык кеңештин төрагасынын эмгек акы жана социалдык төлөмдөрү үчүн -  12 000 сом;

3)     Айылдын квартал комитет башчыларынын эмгек акы жана социалдык төлөмдөрү үчүн – 196 800 сом;

4)     Муниципалдык парк курууга –  4 800 000 сом;

5)     Жылуулук системасына карыз – 357 000 сом;

6)     Топосьемка карыз – 1 000 000 сом;

7)     Таштанды чыгаруучу атайын техника алууга карыз – 400 000 сом;

8)     Рекламалык шиттер үчүн карыз – 200 300 сом;

9)     Жаңы жылдык иш чарага карыз – 50 000 сом;

10)  Чарбалык товарларга карыз – 138 456 сом.                                                                                                        

2.      2022-жылдын 1-январына карата Ат-Башы айыл аймагынын айыл өкмөтүнүн атайын эсебинде калган 168 600 (бир жүз алтымыш сегиз миң алты жүз)  сом айыл өкмөткө караштуу бала бакчалардын тамак-ашы үчүн пайдаланылсын;

3.      Бул токтомдун аткарылышын камсыз кылуу жагы Ат-Башы айыл өкмөтүнүн ФЭБ башчысына милдеттендирилсин;

4.      Бул токтомдун аткарылышын көзөмөлдөө жагы Ат-Башы айыл өкмөтүнүн башчысы А.Аалиевге тапшырылсын.

Ат-Башы айыл аймагынын айылдык

кеңешинин депутаттарынын төрагасы                                                                      А. Өмүракунов

                                                                                                                                 Каттоо № 49