Ат-Башы айыл аймагынын айыл өкмөтү жерге жайгаштыруу жана айыл чарбасы боюнча жетектөөчү адис кызмат ордуна сынак жарыялайт.

Ат-Башы айыл өкмөтүнүн жерге жайгаштыруу жана айыл чарбасы боюнча жетектөөчү адис кызмат ордуна коюлуучу квалификациялык талаптар (К-А)

1) кесиптик билимдин деңгээли:

- тийиштүү багыттагы жогорку билим же тийиштүү багыттагы орто кесиптик билим (айыл-чарбасы, экономика жана башкаруу, архитектура жана курулуш, табият таануу илимдери).

2) иш стажы жана тажрыйбасы:

- иш стажына талап коюлбайт;

3) кесиптик компетенттүүлүгү:

- төмөнкүлөрдү билүү:

Кыргыз Республикасынын жалпы мыйзамдарын, ошондой эле тиешелүү тармактагы мыйзамдарды;

КР “Жергиликтүү өз алдынча башкаруу жөнүндө” Мыйзамын, КР “Айыл чарбасын өнүктүрүү” Мыйзамын, КР “Жайыттар жөнүндө” Мыйзамын.

Кызматтык милдеттери:

- Ат-Башы айыл аймагынын айыл өкмөтүнүн жана жергиликтүү кеңештин айыл чарба жерлерин кайра бөлүштүрүү фондунун жерлерин бөлүштүрүүгө жана пайдаланууга тийиштүү чечимдерин аткарууну уюштуруу;

- райондук социалдык фондго айыл чарба жерлерин  кайра бөлүштүрүү фондусунун жерлеринен берилген ижара келишимдерин түзүү жана социалдык төлөмдөрдүн отчетун салыктар боюнча адистер менен бирдикте тапшыруу жана эсептешүү;

- айыл чарба жерлерин максаттуу пайдалануу, жер рыногун түзүү жана анын натыйжалуу иштеши боюнча чараларды көрүү;

- Ат-Башы айыл аймагында жайгашкан үрөнчүлүк чарбаларга усулдук көмөк көрсөтүүгө;

- чарба ичиндеги сугат системаларын ремонттоо, даярдоо жана сактоо иштерин тиешелүү кызматтар менен бирдиктүү жүргүзүү;

- Ат-Башы айыл аймагынын агрардык секторунун абалына талдоо жүргүзүү;

Талап кылынуучу документтер:

1.конкурстук комиссиянын атына жазылган жеке арызы;

2.өздүк каттоо баракчасы;

3. сүрөтү 3х4,  2 шт.;

4.дипломдун көчүрмөсү (нотариалдык жактан күбөлөндүрүлгөн);

5.эмгек китепчесинин көчүрмөсү (нотариалдык жактан күбөлөндүрүлгөн);

6.паспорттун көчүрмөсү;

7.резюме;

8.өмүр баян;

Документтер Ат-Башы айыл аймагынын айыл өкмөтүндө кабыл алынат.

Конкурска катышуу үчүн документтерди жарыя чыккан күндөн тартып 10 жумушчу күн ичинде кабыл алынат. Сурап билүү телефону: 03534 23-7-81