Жергиликтүү өз алдынча башкаруу органдарына айрым мамлекеттик ыйгарым укуктарды өткөрүп берүү жөнүндө
Ат-Башы айылдык Кеңешинин депутаттарынын
кезектеги III сессиясынын
ТОКТОМУ №3-2
Ат-Башы айылы 09-сентябрь 2019-жыл
Жергиликтүү өз алдынча башкаруу органдарына айрым мамлекеттик
ыйгарым укуктарды өткөрүп берүү жөнүндө
КРӨнүн 2019-жылдын 30-майындагы №235 «КРӨ нүн 2014-жылдын 19-декабрындагы №715 «Берилген айрым мамлекеттик ыйгарым укуктарды ишке ашыруу үчүн республикалык бюджеттен жергиликтүү бюджеттерге берилүүчү трансферттердин көлөмүн эсептөөнүн убактылуу методикасын бекитүү жөнүндөгү» ыйгарым укуктары жергиликтүү өз алдынча башкаруу органдарына өткөрүлүп берилүүчү мамлекеттик органдардын жана ыйгарым укуктардын тизмегинин негизинде, Ат-Башы айылдык Кеңеши
ТОКТОМ КЫЛАТ:
- КРӨнүн 2019-жылдын 30-майындагы №235 «КРӨ нүн 2014-жылдын 19-декабрындагы №715 «Берилген айрым мамлекеттик ыйгарым укуктарды ишке ашыруу үчүн республикалык бюджеттен жергиликтүү бюджеттерге берилүүчү трансферттердин көлөмүн эсептөөнүн убактылуу методикасын бекитүү жөнүндөгү» токтомдорунун негизинде Ат-Башы райондук эмгек жана социалдык өнүгүү башкармалыгы Ат-Башы айыл өкмөтүнө айрым мамлекеттик ыйгарым укуктарды өткөрүп берүү жөнүндөгү жана салыктык укук мамилелер чөйрөсүндөгү мамлекеттик айрым ыйгарым укуктарды өткөрүп берүү жөнүндөгү келишимдери бекитилсин.
- Бул токтомдун аткарылышын камсыздоо жагы Ат-Башы айыл өкмөтүнүн финансы-экономика бөлүмүнүн башчысы Т.Жусубалиевге милдеттендирилсин.
- Бул токтомдун аткарылышын көзөмөлдөө жагы Ат-Башы айыл өкмөтүнүн башчысы К. Чоробековго тапшырылсын.
Ат-Башы айылдык кеңешинин
депутаттарынын төрагасынын
орун басары
К.Асанбаева
Каттоо № 20
